“Mero Baze”

“Mero Baze” është person fizik nën pronësinë e Mero Bazes, gazetar dhe sipërmarrës në media. Kompania publikon të përditshmen Tema dhe faqen e internetit gazetatema.net. Tema është gazetë e përditshme dhe publikohet që nga viti 1999. Ajo ka një edicion të përditshëm të shtypur dhe një edicion online në gazetatema.net.

Mero Baze është gazetar dhe botues. Ai ka punuar në media të ndryshme, përfshirë Zërin e Amerikës dhe Radio Europa e Lirë që prej viteve 1990, ndërsa gazetën e tij Tema e hapi në vitin 1999. Ai njihet për editorialet e tij të përditshme më së shumti mbi politikën si dhe për rubrikën satirike të përditshme "Antena Brenda Familjes".

Baze është një pionier i medias online në vitin 1999 me gazetën e tij Tema, e cila u bë një pikë referimi pas vitit 2009. Baze është gjithashtu autor i disa librave.

Baze ka qenë mbështetës i ish-Presidentit dhe ish-Kryeministrit Sali Berisha deri në vitin 2008, kur u kthye në një nga kritikët më të ashpër të qeverisjes së tij. Ai u përball me presione nga qeveria “Berisha” ndaj biznesit të tij, me kërcënime dhe sulme fizike. Gazeta e tij u dëbua në vitin 2009 nga një godinë në pronësi të qeverisë me të cilën ai kishte një kontratë qiraje 20 vjeçare. Gjithashtu në vitin 2009, Baze u rrah dhunshëm nga biznesmeni kontrovers, Rezart Taçi, pasi raportoi për privatizimin e pistë të rafinerisë së naftës, ARMO si dhe evazionin fiskal.

Më shumë se një dekadë më pas, Mero Baze vazhdon të jetë një nga kritikët më të zëshëm të ish-kryeministrit Sali Berisha, ndërsa gazeta e tij, Tema perceptohet gjerësisht si mbështetëse e kreut aktual të qeverisë, Edi Rama.