INTER MEDIA GROUP Sh.p.k

Euro Balkans News Shpk (Euronews) (100%)

Tok Media Shpk (In Radio) (100%)

City Wings SH.P.K (100%)

INTER MEDIA GROUP SHPK – Një kompani Qipriote, e quajtur Miesseco Shpk themeloi Media Group IN në vitin 2016. Kompania offshore Miesseco kishte 70% të aksioneve, ndërsa biznesmeni shquptarë Vasil Mero zotëronte 30% të kompanisë.
Brenda vitit 2016 kompania offshore Miesseco LTD bleu të gjitha aksionet dhe ishte zotëruese e vetme deri në tetor 2018, kur i shiti biznesmenit Theodhori Çami për 330 lekë 33% të aksioneve. Në prill 2019 Miesseco LTD shiti edhe pjesën e mbetur të aksioneve te biznesmeni Vasil Mero. Po këtë vit kompania ndërroi emrin në INTER MEDIA GROUP Shpk.
Prej këtij momenti Çami dhe Mero kanë qenë aksionerët e vetëm të kompanisë përkatësisht me 33 % dhe 67 % edhe pse kanë tregtuar aksione me njëri-tjetrin, ndërsa një tentativë blerja nga Kastrati Group e 60 % të aksioneve u anulua.
Në vitin 2018 kompania themeloi Euro Balkans News Shpk dhe bleu të drejtat e transmetimit nën logon e njohur europiane EuroNews dhe me licensimin nga Autoriteti i Mediave Audivizive në vitin 2019 filloi transmetimet si EuroNews Albania.
Në përgjigjen për MOM kompania thotë se televizioni është franchizing direkt i “Euro News” S.A në Lyon Francë dhe “zbaton me përpikmëri politikat e tij editoriale të pavarura, Kartën Editoriale të EuroNews, Kodin e Etikës dhe Kodin e Sjelljes, si dhe ushtron veprimtarinë e saj në respektim të plotë të lirive dhe të drejtave themelore të njeriut”.
Në përgjigje kompania thotë se është aksionere 100 % te shoqëria “Tok Media” Shpk, që zotëron “In Radio” me licencë transmetimi në frekuencat 105.7. Ajo është aksionere me 40% te shoqëria “Inter Active Media” Shpk që zotëron “IN TV”. Po ashtu e njëjta shoqëri zotëron kompanitë “La Strada” Shpk dhe “City Wings” Shpk të dyja me fokus në shërbime reklamimi outdoor.
Vasil Mero, që është aksioner me 67 për qind në kompaninë që zotëron televizionin, nuk është një personazh publik dhe nuk ka angazhim tjetër veç kompanisë në fjalë. Më herët ai zotëronte aksionet e Albanian Distribution Company ADC, që ka për objekt tregtinë, ndërtimin dhe sigurimet, por ia shiti aksionet në vitin 2021 ortakut të tij Theodhori Çami.
Theodhoro Çami nga ana e tij është më i pranishëm publikisht. Ai shfaqet si figura drejtuese e kompanisë edhe sa i përket marrëveshjes me EuroNews Group për marrjen e franchise. Çami është një biznesmen i njohur në fushën e marrëdhënieve publike dhe reklamave.
Ai ka themeluar kompaninë “Le Spot Group” e cila menaxhon publicitetin e disa prej kompanive më të mëdha në vend dhe ka qenë aksionar i vetëm i saj deri në vitin 2012, kur aksionet u janë shitur bashkëpunëtoreve të tij të afërta. Ai vijoi të ishte administrator dhe anëtarë i bordit drejtues të kompanisë deri në vitin 2018.
Veç aksioneve prej 33 % në kompaninë INTER MEDIA GROUP, Çami bleu nga ortaku i tij edhe Albanian Distribution Company ADC, të cilën e zotëron i vetëm.
Pavarësisht ndryshimeve në aksionar INTER MEDIA GROUP, Le Spot Group dhe Albanian Distribution Company ADC dhe televizioni EuroNews janë vendosur në të njëjtën godinë.

kryetare, përfaqësuese e EuroNews S.A

Edhe pse nuk përmendet zyrtarisht në ndonjë pozicion pranë kompanisë, ish-ministri dhe ish deputeti i Partisë Socialiste, ka një rol drejtues në EuroNews Albania. Gjatë një takimi të mediave të ndryshme të grupit nga Europa që u zhvillua në Tiranë në gusht 2023, Francois Chignac, drejtori i televizioneve “franchise” në EuroNews Group S.a, falenderoi veçanërisht Blushin, aksionerin Theodoro Çami dhe Bjorn Xhokaxhi për atë që ai e quan sukses të televizionit në Shqipëri.
Blushi ka një karrierë të gjatë si gazetar, politikan dhe shkrimtar. Ai e ka filluar karrierën si gazetar pas rënies së komunizmit në fillim të viteve 90‘. Në vitin 1999 u përfshi në politikë dhe u emërua zëvendësministër i Jashtëm në qeverinë e kryeministrit Fatos Nano. Nga viti 2003 deri në vitin 2005 ishte ministër për Decentralizimin dhe Pushtetin Vendor.
Ai ka qenë anëtar i Parlamentit Shqiptar si i zgjedhur në listat e Partisë Socialiste nga viti 2001 deri në vitin 2017. Në vitin 2016 për shkak të përplasjeve me kryeministrin Edi Rama, Blushi u shkëput nga socialistët dhe krijoi partinë LIBRA, e cila dështoi në zgjedhjet e rradhës dhe më pas u shkri. Në vitin 2018, Blushi u bë Drejtori i Përgjithshëm i Top-Channel. Pavarësisht konfliktit të tij të mëparshëm me kryeministrin, ai u akuzua në media të opozitës se televizioni që drejtonte kishte qëndrime pro qeverisë.

Njihuni me më TV, pasardhësin e Mad Albania [Meet më TV, the suçessor of Mad Albania] (2016) nga imalbania.com, Aksesuar 24 Gusht 2023

Qendra Kombëtare e Biznesit [Albanian National Business Registry] Aksesuar më Korrik 2023