Genci Gjineci
Genci Gjineci është ortaku i vetëm i Triangle Media Group, i themeluar prej tij në vitin 2011. Kompania është zotëruese e City Radio Albania, që trasmeton në valët 88.0 FM.
Deri në vitin 2020, Gjineci njihej si zëri zyrtar i kompanisë Digitalb. Në vitin 2020, ai deklaroi në rrjete sociale se ka filluar punë si drejtor i Artit pranë ABC News Albania, të njëjtin pozicion që e mban edhe pranë Triangle Media Group.
Në prill të vitit 2017, kompania e tij, Triangle Media Group fitoi nga Autoriteti i Mediave Audiovizive, AMA, të drejtën e transmetimeve televizive në internet në logon City TV. Licenca nga AMA ka pasur si afat vitin 2022, por autoriteti nuk ka përditësuar të dhënat e subjekteve në faqen e vet online.
Në vitin 2022, kompania njoftoi fillimin e transmetimeve online në logon Info24, ndërsa është publikuar një webfaqe me të njëjtin emër, info24.al. Në gusht 2023, as webfaqja dhe as livestreami i televizionit nuk ishin funksional dhe bazuar në databazën e “wayback machine”, kanë qenë në linjë deri në qershor 2023. Në Regjistrin Kombëtar të Biznesit, aksionet e kompanisë janë bllokuar nga Drejtoria e Përgjithshme e Tatimeve në qershor 2023.
Më shumë informacion
Meta Data
Struktura e pronësisë dhe bilancet financiare janë publikisht të pranishme në Qendrën Kombëtare të Bizneseve në Shqipëri. Të dhënat financiare të siguruara i përkasin vitit 2022. Për të konvertuar shumat në dollarë u përdor kursi mesatar i këmbimit i Bankës Qendrore për vitin 2022. Për më shumë, shikoni burimet.
