Gazeta Shqiptare
“Gazeta Shqiptare” është ndër gazetat më të vjetra në Shqipëri. Ajo filloi të publikohej më 22 prill 1993 nga kompania italiane “Edisud S.p.a”. Në faqen zyrtare të saj, “Gazeta Shqiptare” e shtrin historikun e vet pas në vitin 1927, kur u botua për herë të parë në vend gazeta me të njëjtin emër, publikimet e së cilës u ndërprenë në vitin 1939 me pushtimin fashist të Shqipërisë. Në vitin 2011, “Gazeta Shqiptare” kaloi në pronësinë e kompanisë “Focus Press” të themeluar nga Irfan Hysenbelliu dhe Artan Santo. Ajo është sot pjesë e grupit mediatik "Focus Group“, së bashku me televizionin "News 24", portalin e lajmeve "Balkanweb", radion "RASH" dhe portalin online "gsh.al".
Pjesa e audiencës
10.20%
Lloj pronësie
Private
Mbulimi gjeografik
Kombëtare
Llloji përmbajtjes
Me pagesë
Kompani/Grupe mediatike
Focus Media Group
Struktura e pronësisë
E përditshmja "Gazeta Shqiptare" është botim i kompanisë “Focus Press” sh.p.k. Aksioneri i vetëm i “Focus Press” është “Focus Group” sh.p.k. Sipas dokumenteve në Qendrën Kombëtare të Bizneseve, aksioner i vetëm i "Focus Group" është Bashkim Hysenbelli. Megjithatë, biznesmeni Irfan Hysenbelliu e prezanton veten publikisht si pronar dhe president i “Focus Group” sh.p.k.
Të drejta votimi
Vetëm aksionerët e kompanisë kanë të drejtën e votës.
Pronar indvidual
Informacion i përgjithshëm
Viti themelimit
1994
Interesat e lidhur të themeluesit
EDISUD S.p.a - "EDISUD" S.p.a është një kompani mediatike me qendër në Bari të Italisë, e cila në kohën e themelimit të degës së saj në Shqipëri përfaqësohej nga presidenti Giuseppe Lobuono. Prej vitit 1994, EDISUD S.p.a ka botuar të përditshmen “Gazeta Shqiptare”. Në mars 2002, kompania e zgjeroi aktivitetin e saj në Shqipëri edhe në fushën audiovizive, duke themeluar kompaninë bijë “Edisud Radio TV”. Në kohën e themelimit, kompania shqiptare kishte një kapital prej 25 milionë lekësh dhe kishte si përfaqësuesi të saj ligjor Carlo Bollinon, gazetar i agjencisë italiane të lajmeve ANSA dhe administrator i Gazetës Shqiptare në Tiranë. Më 20 maj 2001, kompania italiane vendosi të shesë të gjitha aksionet që zotëronte në Tiranë, përfshirë edhe të drejtat për markat e regjistruara "News 24", "Gazeta Shqiptare", "Milosao", "Ndërkombëtare", "Telegazeta", "Bluetooth" dhe "Shqiptare". Kjo kompani u ble nga "Focus Group" sh.a,e cila zotërohej 50% me 50% nga biznesmeni Irfan Hysenbelliu dhe bankieri Artan Santo. Biznesmeni Santo u ekzekutua në një atentat në qendër të Tiranës në qershor 2014, nga persona të panjohur.
Interesat e lidhur të administratorit
Mustafa Muço - ka qenë anëtar i Partisë Socialiste dhe ministër i Ekonomisë dhe Privatizimeve në qeverinë e drejtuar nga Ilir Meta në vitin 2001. Ai ishte një ndër anëtarët themelues të Lëvizjes Socialiste për Integrim në vitin 2004, por ai u tërhoq më pas nga politika aktive. Në korrik të vitit 2016, Muço u emërua administrator i kompanisë "Focus Media News" dhe prej asaj kohe vazhdon t’a mbajë këtë post.
Interesat e lidhur të kryeredaktorit
Erl Murati - është kryeredaktor i të përditshmes "Gazeta Shqiptare“. Ai e ka nisur karrierën në vitet 2000 në gazetën "Koha Jonë“ dhe ka punuar si gazetar, redaktor dhe kryeredaktor në disa media të vendit.
Interesat e lidhura të njerëzve të rëndësishëm
Rezarta Delisula - është gazetare dhe mban postin e zv.kryeredaktores në Gazeta Shqiptare.
Geljano Fataj - është kryeredaktor i botimit online të Gazeta Shqiptare.
Kontakt
Rruga Ali Demi, ish-Kombinati i Autotraktorëve, Zyrat e Administratës, Tirana
Tel: +355 68 40 63 842
Website: http:// gsh.al
Të dhëna financiare
Të ardhura (in Mil. USD)
0.37 Mio $ / 48.10 Mio Lek
Fitim operativ (në Mil. USD)
0.00 Mio $ / 0.19 Mio Lek
Reklamat (si % e financimit total)
Të dhënat mungojnë
Pjesa e tregut
8.1
Më shumë informacion
Meta Data
Struktura e pronësisë dhe bilancet financiare janë publikisht të pranishme në Qendrën Kombëtare të Bizneseve në Shqipëri. Të dhënat financiare të siguruara i përkasin vitit 2016. Për të konvertuar shumat në dollarë u përdor kursi mesatar i këmbimit i Bankës Qendrore për vitin 2016. "Focus Group" iu përgjigj kërkesës për informacion të ekipit të MOM më 22 Janar 2018. Për më tepër shikoni burimet. Në mënyrë që të vlerësohej pesha e aseteve dhe të ardhurave të kësaj kompanie në tregun e shtypit të shkruar, MOM ka llogaritur vlerën e aseteve, të ardhurave dhe fitimeve të 11 kompanive botuese. Mediat e përfshira në llogaritje janë: Panorama, Gazeta Shqiptare, Koha Jonë, Mapo, Shekulli, Tema, Dita, Sot News, Shqiptarja.com, Standard dhe Monitor.
